NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Hay gooto seŋaaki

2048 winnditiiɓe
0 Hannde
0 Ndee yontere
162 Nduu lewru
Cakkitiiɗo: elhadj

Widewooji maantaaɗi..


Ngaari Laaw - Excision Stop!
Moyenne:
Clics:4081
Fula Flute - Djandjou
Moyenne:
Clics:20086
poular 1
Moyenne:
Clics:4129
OUMOU SECK
Moyenne:
Clics:2694

Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


SENEGAAL: Hol ko Ablaay Waadd feewjanta Makki? Convertir en PDF Version imprimable Suggérer par mail
Dernière mise à jour : ( 24-07-2008 )
 

Ecrit par IBRAAHIIMA MALAL SAAR, le 24-07-2008 12:02

Pages vues : 9130    

Publié dans : Les News, Dawrugol


Image

Haala ena woɗɗi ñifde hakkunde Ablaay Waadd e Mawɗo Suudu Sarɗiiji Makki Sal. Caggal nde Waadd horii howtirde-mo waawnere e jappeere makko to Asambelee, peeje goɗɗe pewjaaɗe ngam ittude-mo koraama yoo ngarwu. En cikkiino nde Ceerno Baara MBakke "welditi" hakkunde maɓɓe, maa Waadd nattu duñcude jaynge hakkunde mum e gooto e mo ɓurnoo hoolaade e ɓadiiɓe-mo, mo o suɓinoo yoo won mawɗo ɗowgu makko ɓennungu. Goonga Maaki wiyanooma yaafniima e dow makko haa heewɓe ñiŋri-mo leefde e waasde bikkitaade, kono hay gooto nanaani Makki ena haalda hunuko mum! Ko anndaa woni goonga, ko Waadd noddii-mo laabi keewɗi to Galle Laamu toh, naamniimo yoo fawto e jooɗorde makko. Makki salii haa yoordi e baaji.

Yanti heen ko goomu sarɗiyaŋkooɓe ɓadiiɓe laamu nguu ena njiyloroo-mo hare e gardogol Duudu Waadd. Feere kala fewjaama ngam ittude-mo e hoore suudu nduu kono alaa ko gasi heen. Makki ena anndi alaa baawɗo ittude-ɗum e jooɗorde ndee so wonaa o timmin gorlal makko, walla Waadd fusa Suudu nduu no doosɗe leydi ndii ndokkiri-mo yamiroore nih.Haŋkadi Waadd anndii wona ŋuuraali tan e gofaali njogori dognude Makki, o fellitii haɓaade-mo to baŋnge baawal e doole laamu ɗe gorlal makko hokki-mo. Ko adii, o wiynoo ko omo raɓɓiɗina gorlal mawɗo Suudu nduu mbele ena arta e hitaande (ngal duumotoo ko duuɓi 5). So o ɓenninii kuwlal ngal, Suudu nduu yana e nder hitaande, Makki yahda heen, ɓe toɗɗoo goɗɗo ardoo-ndu. Ɗum ummini haala mawka e leydi ndii sabu waylirde doosɗe leydi ndii sabu yiɗde haɓde e gooto wonaa ko yimɓe paamata. Kono haa jooni Waadd ena heddoraa peeje to baŋnge doosɗe leydi ndii. Nde wonnoo ko doosɗe njoƴƴini Makki, ndokii-ɗum no faddiniri hoore mum, so tawii ɗe mbaylaama, maa doole makko usto; kala paddungal o joginoo diwa, o foolee.
E lewru Korse 2008, nde yiilirde Suudu nduu wayletee, yoga e ɓadiiɓe Makki ngittaa e jooɗle mum'en, lomtinaa yimɓe ɓe Waadd suɓii. Ko ɗum heɓi MBay NJaay, depitee Parsel Asenii. Ko kaŋko wonoo cukku taataɓo mawɗo Suudu nduu. Aliw Sow kadi ko ɗoon rewnaa, sabu ko kaŋko ardinoo Goomu jotondiral e leyɗeele goɗɗe e Aminata Jallo. Ɓee kala lomtii ɗum'en ko añɓe Makki ɓe Waadd ɓadini ngam ɓittude mawɗo Suudu nduu. Lomtii MBay Njaay ko Moodu Jaañ Fada, gooto e ɓe Waadd ɓurnoo tampinde sabu ko jaagorgal taariindi o wonnoo hade makko itteede, o lomtinaa Ceerno Loo. Kaŋko Fada, o woytiima laabi keewɗi wonde Waadd ena haljina-mo ngam addande-mo caɗeele. Hannde, o artii sara Waadd, maa taw ko o gaadondiraaɗo omo walla Waadd ɓittude Makki, kono eɗen nganndi wonaa meere artiri-mo sara kaɓdiiɗo makko.

Image
Paap Joop. Doole paytii to Senaa mo Waadd toɗɗii

E ɗee jonte ɓennude, Cuuɗi sarɗiiji ɗiɗi ɗii (Senaa, a Asambelee) ena keblatnoo mooɓondiral mum'en mawngal. Ɗoon kadi, caɗeele Makki jogodii e laamɗo leydi ndii ngartii kadi e pencu. Waadd yaltinii dekkere tŋ° 2008-419  ena noddii cuuɗi ɗii yoo ndentu e mooɓondiral kono habraani Suudu Asambelee hono no kuwlal 103 Yuman Sarɗiiji namnorii nih. Yoga e sarɗiyaŋkooɓe ɓee ena mettini e golle Waadd haa teeŋti e Ndey Faatu tuure, gooto e depiteeji "Mouvement Tekki" ena jogori wullitaade to Waggino Dowla (Conseil D'Etat) ngam falaade ndooldoolaagu Waadd holli-ɓe e nder dekkere mo o yaltini oo. So doosɗe njuurnaama, ko mawɗo Senaa (hono Paap Joop) woni hooreejo jooɗnde ndee, kono ko yiilirde Asambelee foti ardaade mooɓondiral ngal. Kono hay gooto e terɗe Asambelee jeyaaka e yiilirde mooɓondiral ngal. Hol ko saabii Waadd ena waɗa ko luurdi e sarɗiiji leydi ndii? Ko hokkude Paap Joop kala mbaawka Makki fotnoo jogaade, ka jooɗnde mum hokki ɗum. So ɗum waɗii, kuwle ɗe mawɗo leydi ndii yiɗi waylude maa mbayle sabu Senaa ko terɗe ɗe o toɗɗii ngoni toon. Ko duugaade doole Asambelee toɗɗaaɗi ngenndi ɗe demokaraasii hikki ɗum omo waɗta doole to Senaa mo o sosi o toɗɗii ngam tamde haŋkadi sarɗiiji leydi ndii. Gootal e kuwle ngal Waadd yiɗnoo waylude, ku kuwlal duumagol gorlal laamɗo leydi. Anndu ngal wonnoo ko duuɓi joy, Waadd yiɗi so laamɗo toɗɗaama haŋkadi, yoo laamo duuɓi jeeɗiɗi. Hol to Waadd huccini leydi Senegaal? Ko kaŋko tan anndi, kono enen, eɗen njenanaa so omo yaha, o yiɗi accude Makki ko e koyeera!

Kuɗol Ibraahiima SAAR


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : démackysation, contitution, sénégal, macky, sénat, congrès


Commentaires utilisateurs  Fil RSS des commentaires
 

Evaluation utilisateurs

   (0 vote)

 


Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
ANQ         6U1      
S W    S      U   HK5
S6G   IP9   7ES      
  6    M    U     T3G
OWJ         XSB      
   
   

Aucun commentaire post



mXcomment 1.0.7 © 2007-2020 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥