 Ganaa ena ñaaɗi hikka
To Akaraa, laamorgo Ganaa ko diɗɗal Sammbi adii arde sabu ɓe tellii e ndiwoowa maɓɓe ko ñalnde 14 lewru nduu, ummoraade London. Ko kofiy Amoah, hooreejo goomu njuɓɓudi kawgel ngel jaɓɓiiɓe to boowal Kotokaa. Sammbi ko ko dadii sabu ko ɓe hawrooɓe e Sudaan ñalnde Mawbaare 22 to Kumaasi. Sammbinaaɓe ɗaminaaki nawtude karaŋ duunde men to Lusakaa, kono eɓe njogorii haɓeede ngam hawde kala mo ɓe mbaawi...
 On njejjitii Kameruun?
To baŋge fettooɓe, diɗɗe keewɗe mbaɗii kawre keblorɗe ngam ɓetde tiiɗde mum'en hade kawgel ngel hurmude. Ko Sudaan fiyaa heen baral (0-6) e kawral mum e Gine. Sudaan wayri arde e taƴre wortorde karaŋ Afrik hakke duuɓi 32. Kartotooɗo diɗɗal Gine, hono Suleumaan Yuula naatni ga'i 4 kañum tan gooto. Ga'i keddiiɗi ɗii naatni-ɗi ko Baŋnguraa (Dinamo Kiew) e Coreyaa (Cherbourg). Sudaan hawriino e Nijeriyaa, ɓe kawaa kadi (0-2). Hoto mbekkee mehi hikka deh!
Maruk fiyi Sammbi 2-0 Sektioui (51'), Alloudi (60') to wuro Faas (Fez). Kodduwaar fiyi Koweyti 2-0 to Koweyti-Sitiy e kawral gaajorgal. Ko Drogba e Kaluu nduppi gaccungol Koweytinaaɓe laabi ɗiɗi!
Ko fayti e welmaa kaala, gooto kala ena weddoo mijo mum e hol jogorɗo nawde raay hikka. Ko wayi hono Mammadu Lih en kala, ndee ngottii haa kaari fof, ngonata ko e fonndude tan ena taƴa! Ɓee nawata, alaa ko ɓeya! Abediy Pelee, fettanooɗo ŋanaa e diɗɗal Ganaa (o fettii kadi Marsaay et ɗiddɗe goɗɗitiiɗe) ena  Jogii karaŋ ko Tunisiy?
Ɗoo e Pulaagu.com, min ndenndinii kuɗi amen, min teeltii-ɗe haa ɗe ceeɓi, amin cabboo nde golle ɗee puɗɗotoo. Ɓee ko fetooɓe, ɓee ko haalooɓe ko aaɓnotaako, min ko min winndooɓe!Kuɗol Ibraahiima SAAR (www.pulaagu.com) 
|
|
|
Commentaires utilisateurs  |
|
Evaluation utilisateurs
 (0 vote)
|
|
Ajouter votre commentaire
|
© 2001-2012 PULAAGU.COM - Tous droits réservés -
Jokkondiral: Tel: +33 977 218 258 - Fax: +33 981 706 575 - contact(at)pulaagu.com - Skype: PULAAGU.COM - PULAAGU.COM e Facebook