NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Hay gooto seŋaaki

2048 winnditiiɓe
0 Hannde
0 Ndee yontere
109 Nduu lewru
Cakkitiiɗo: elhadj

Widewooji maantaaɗi..


Wangaadé Yonti
Moyenne:
Clics:2452
hommage
Moyenne:
Clics:2676
poular 1
Moyenne:
Clics:4115

Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


GINE-KONAAKIRI: Maanditaare jaambareeɓe men… (3) Convertir en PDF Version imprimable Suggérer par mail
Dernière mise à jour : ( 13-01-2008 )
 

Ecrit par Saajo Bahkaikai, le 13-01-2008 09:34

Pages vues : 11102    

Publié dans : Les News, Dawrugol


Image
H. R. Jallo e Dr. Ibraahiima Foofana
Fecco (3) [(Fecco 1 yaltiino ɗo) - (Fecco 2 yaltiino ɗo)
E fecco (2) en lamndino kori ko mo potte (bammbode) ɗen faalaa on Konte lammini, walla ko taaroo-njilloo ko o anndiraa kon o woni waɗude. Ko ɗon wonɗen jokkitaade ka fecco (3) ɗoo, fahin accon hakkee.... 
Lammingol Eugene Kamara;
Nyannde 6 Cole (february), 2007, potte ɗen yaltini hajoore (ultimatum), ɓe wii wonde pellet baɗtino (strike) ngon fuɗɗitete, si wonaa tawa Konte suɓike hooreejo jaagorɓe ɗoo e nyannde 12 Cole. Nyannde 9 Cole, Konte suɓii Eugene Kamara, o sikki o hodii ɓe. Ta en yejjitu ko Eugene wonnoo jaagaro leydi fii haajuuji laamɗoyankeeji (presidential affairs), fewndo on tuma.  Eugene no ƴettiraa kadi wa ballo Konte ɓadtiiɗo fota, himo ɗoftii Konte kaaɗtuɗe mum.
Salaare (oppsition) nden yeddi lammingol mo kisan. Nyallal ɓaawo ɗum, taƴaale (ɓiolence) fetti e nder Konaakiri kam e buy e ca’e leydi ndii, nden nyannde kadi yimɓe heewɓe waraama. Siimtaama (report waɗaama) wonde guyaale buy waɗii nden nyannde. Potteyanke en kam e ardiiɓe feddeeji dawroyankeeji fow hawtiti, lamndii Konte yo o accitu laamu nguu fes. On tuma, potteyanke en ɓurti ŋaɗinande mo, haa ɓe wii, Konte e lammu mum fow jooni ko maa folloo.

Fuɗɗitagol baɗtino ngon e Konte fawude yimɓe ɓen toŋe-yalto;
Baɗtino (greef) ngon fuɗɗitii nyannde 12 Cole (february), tawtude seppooɓe na saakitii e nder leydi ndii e hoore-le koninkooɓe ɓee yamiraama yo ɓe yaltir doole, baŋ-woo-baŋ. Konte ewnii toŋe-yalto (curfew) nden nyannde tigi, kanko kadi, o teŋtini wonde toŋe-yalto ɗen heddoto haa nyannde 23 Cole. Fewndo mum, tawi jinndugol na toŋaa few non, si wonaa beru jamɗe nayi pet e nder nyallal ngal fow (16-20 j) fayda. Konaakiri e on tuma no e ley yurmeende koninkooɓe Konte ɓen, tawtude mooɓle ittiranooɗe Gine Bisaaw, e murtuɓe ULIMO e LURD en –ɓen ko murtuɓe Liberiyaanaaɓe ɓe Konte walli haa haɓdi e Caals Telor...
Fillano wonde alaa ko ɓee ɗoo waɗaali e nder galleeji yimɓe, gila e jaɓtugol jawle, ari e wargol yimɓe haa e waawnugol (rape) rewɓe e, hiɓe waɗa ko Alla yiɗaa yarlaaki. Konte e hooreejo konu makko ngun, Seneral Kerfala Kamara ewnii wonde deeƴere artii e nder leydi ndii. Nyannde 16 Cole, Kamara wii, toŋe ɗen heddoto e leydi ndii haa potte ɗen jaɓa dartingol baɗtino ngon. E nder ɗum hari toŋe-yalto ngon no ɗuytireede seeɗa seeɗa, haa nyannde 19 Cole, si yewtidal  waawi fuɗɗitaade kadi hakkunde laamu nguu e potteyanke en, Alla e ballal ardiiɓe diina ɓen. Kono non, potteyanke en hollituno wonde ɓe tawetaake e yewtidal ngal haa toŋe-yalto ɗen fow ittee.

Image
Hajjaa Rabiyatu Jallo
E Mawnde (juma) nyalorma, ka Galle-laamu Yimɓe (palee de peepul), Guineennews  humpituno wondema Abdullaay Bah, Hoolaaɗo Kuuɓal (UTDG) on wii; mooɓondiral hakkunde maɓɓe e laamu saatinoongal ngal, laatotaako taho, sabuna ardiiɓe diinaaji ɓen no e fii hollitugol laamu ngun fii mooɓondiral goo, waɗanoongal hanki mum, hakkunde ardiiɓe diina ɓen e potteyankooɓe ɓen. (Hajja Raabiyatu Jallo e Dr. Ibraahiima Foofana)
Fewjoore Konte ko yowitii e accugol Eugene  Kamara e laamu hedde lebbi tati,  fii ndarndagol mo, jaɓanooka hella ka potte fes, ɗum ko nyannde 20 lewru Cole waɗi. Nde 22 Cole, Konte  lamndii batirdu ndun (parliament) yo ndu heɓtin (kirro) ɓeyditugol toŋe ɗen, kono batirdu nduu salii ɗum denndaangal.On tuma Kerfala Kmara ewnii yo golle fuɗɗito nyannde 26 Cole, jannde kanyum kadi fuɗɗitoo nyannde 1 Mbooy (maarasi). Potte ɗen jaabtori wi’ugol wonde baɗtino ngon doo jokkete, ngo dartotaako tawo. Juutaali ɓaawto ɗum, Konte jaɓi suɓagol hooreejo jaagorɓe keso e nder doggol (list) kelɗuɓe ɓe potte  ɗen e lomtiiɓe renndo leydi ndin haaldani fotti. Konte tawi yo suɓo tokora mum Lansana Kuyaate, ɗum hawri e nyannde 26 Cole, on tuma ardiiɓe potte ɗee ewnii (anonsi) dartingol baɗtino ngon. 
Mawɗo: Mammadu Bah, yewtanoowo feddeeji salaare ɗin, e fewndo on tuma, jertinno yimɓe ɓen nden nyannde, o wii: “no  hitti fota fota nyoƴƴugol Konte ɗoo haa o newnana Kuyaate waɗugol golle ɗen no haaniri non…”
Kuyaate ƴetti woondoore, nyannde 1 lewru Mbooy (march); laatii Konte araali fes, ko Eugene Kamara mo makko ardiinoo muraadu ndun. Jannde kadi fuɗɗitii nden nyannde …
Maanditaare 22 Siilo woɗɗaa, hay seeɗa, ko hitaande aranere nden nih. Maanditoroɗen ɓeen waranooɓe, jaambaraagal maɓɓe e cuucal-reedu, e toraare Alla fii yo ɓe heɓu moƴƴere ka makko, Gine heɓta ɓuuɓtu e kisal e ɓamtaare. Dille maɓɓe ɗee ko fiinannde nde en yejjitataa haa poomaa. 

Kuɗol Saajo Bah… (www.pulaagu.com)


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : Anniversaire massacre guinée, politique guinée, manifestations en guinée,


Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 1 de 1 commentaires

(Hajja Raabiyatu Jallo e Dr. Ibraahiima

Ecrit par: Saajo Bahkaikai (Membre ) le 13-01-2008 14:24

(Hajja Raabiyatu Jallo e Dr. Ibraahiima Foofana), 
d`um d`oo tawaaka ka winndannde. 
Natal (foto) dowdowal ngal ko natal (Hajja Raabiyatu Jallo e Dr. Ibraahiima Foofana)

 

» Signaler ce commentaire l'administrateur

Affiche 1 de 1 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
4XG         KOH      
  U    T    P     P7T
  Q   RP1   Y6T      
  A    L    7 7   1DX
  Y         YIT      
   
   



mXcomment 1.0.7 © 2007-2020 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥