NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Hay gooto seŋaaki

2048 winnditiiɓe
0 Hannde
0 Ndee yontere
283 Nduu lewru
Cakkitiiɗo: elhadj

Widewooji maantaaɗi..


sow poulo jerry
Moyenne:
Clics:2524
ABIWORD in Fulah Part 1
Moyenne:
Clics:2153
Baaba Maal - Acoustic Live
Moyenne:
Clics:17928

Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


OLPC: Suka fof e ordinateer mum! Convertir en PDF Version imprimable Suggérer par mail
Dernière mise à jour : ( 06-01-2008 )
 

Ecrit par IBRAAHIIMA MALAL SAAR, le 06-01-2008 14:25

Pages vues : 7112    

Publié dans : Les News, Renndo


ImageEɓɓo OLPC (One Laptop Per Child) firti ko "Suka fof e ngaandiyaŋke mum". Darni ngoon eɓɓo ko Nicholas Negroponte, gooto e annduɓe ngaanndi gollotooɗo to duɗal gannde toowɗe lollunde wiyeteende Massassuchetts Institute of Technology (MIT). Kaŋko e yoga e haralleeɓe iwɓe e nokkuuji gannde ngaanndi hono Media Labs, yanti e maɓɓe ummiiɓe e mbaylaandi ngaanndi, ummiiɓe e nokkuuji jaŋde, pinal e nehdi sukaaɓe; ɓe njiyii wonnde ko ɓuri heewde e sukaaɓe wonɓe e leyɗeele baasɗe ena ŋakkiraa jaŋde sabu jinnaaɓe ngalaa semmbe no toppitorii-ɓe. Ko ɗum waɗi heewɓe e maɓɓe ena nduumii e baasal doŋka yaltude heen. E jiyle maɓɓe, ɗum ena foti wayleede. Hannde, leyɗeele baasɗe keewɗe perotoo ko ko jaasi 20 dolaar e jaŋde suka kala e nder hitaande. Ɗum ena toowondiri e 7500 dolaar mo Dowlaaji Dennduɗi Amerik perantoo suka kala e hitaande. E yiyde maɓɓe kamɓe ɗowooɓe eɓɓo ngoo, hay so tawii leyɗeele baasɗe ɗee ɓeydii fere mum'en fayde e jaŋde sukaaɓe, golle mbaawaa gayneede Alla e jaŋde sukaaɓe yeeɗde caggal.

ImageƁe mbiyi ko ɓuri tiiɗde e leydi ko sukaaɓbe mum sabu ko kamɓe ngoni jaŋngo leydi. Ko ɗum waɗi eɓe cikki sukaaɓe ena poti totteede kaɓirɗe no ɓe njaŋngiri, ɓe pecciri gannde tawa ɓe mballaaka. Jaabawol maɓɓe e ɗee caɗeele ko yaltinde mbeelnaaandi (laptop/portable) inniraandi "XO Laptop", peewniraandi yoo ekkin sukaaɓe no jaŋngirtee. E wiyde maɓɓe, ena jaɓaa wonnde XO Laptop maa wallu sukaaɓe e leyɗeele ɗe ngalɗaani udditde damal fayde e winndere, jaŋngude gannde winndere.
Ngaanndi ndii waɗiraa ko yoo weeɓ heɓde sabu e sikke maɓɓe, ganndal fotaani saɗtude haa wooroo. Ko ɗum waɗi ndi jarata "tan" ko 100 dolaar. Yoo faame noon, ndi wonaa waawnde soodeede e jeere hannde. Ko pelle tan walla laamuuji mbaawi heɓde XO Laptop. Haa jooni kadi yoo faame ndii gaanndi waawaa waɗde kala ko ordinateeruuji ganndaaɗi ɗii mbaɗata!
ImageKo ɓuri wonde heen ngoƴa men, ko hol ɗemngal huwtortee e nganndi kesiri ndii? Ena anndaa hannde ko ɓeydi nawde jaŋde sukaaɓe caggal ko roŋkere laamu naatnude-ɓe kamɓe kala e duɗe saɓu ŋakkere kopporeeje! Caɗeele goɗɗe ɗee ko wiyde ena jaŋngina tan e ɗemɗe njiimaadi bayɗe hono farayseere walla engeleere. Alla e sago miijtee hol no sukaaɓe njaŋgiri tawa ko e ɗemɗe ɗe ɓe muyni ɗee sabu ena anndaa ko ndeen ɓe ɓurata waawde faamde jaŋde leslesiire e fuɗaade. Kamɓe wonɓe e eɓɓo OLPC ɓe eerinooma annduɓe ɗemɗe Afrik yoo mballu-ɓe mbele nganndi ndii ena jogoo tappirɗe ɗemɗe Afrik. Yoga e terɗe Pulaagu.com njeyanooma  e ɗeen jeewte sabu pulaar wonde ɗemngal jaalal e Afrik. Kono, Alla e ɗemɗe ɗee heewde, tappirɗe ɗee mbaawaa waɗeede sabu ɗe keewat haa wooroo. Min mbaggini-ɓe ko yoo ɗemɗe ɓallondirɗe ndenndu tappirɗe; yeru wolof, sooninke e pulaar ena mbaawi renndude Tappirde. Haa jooni ko e ɗeen jeewte ngonaa. Feere ñiɓiinde suwaa tawo yiyteede.

Kuɗol Ibraahiima SAAR (www.pulaagu.com)


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : News, Dernières news, OLPC, Suka fof e ordinateer mum, One laptop per child, un enfant un ordinateur


Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 5 de 5 commentaires

sodorde men

Ecrit par: geelel (Invit ) le 06-01-2008 16:14

ngo eɓɓo ko eɓɓo ɓamtaare sabu ɓamtaare alaa ɗo jangde woodaani sabu ina jayaa ko teppi ɗemɗe leyɗeele doofolɗe ɗee ;sikke alaa ko ɗo tan sukaaɓe men ndañata fuɗɗorde moƴƴere e gannde kese ɗee ;tawa jomum fuɗɗortoo ko e ɗemngal mum neeniwal sabu ɗemɗe men ko kaŋŋe ndesanen iwdi men kaŋŋe so yarnaaka furat fuuna ndimaagu mum yooloo (koŋngol gorko jiinge jeeri tummbere waalo)yo geno juutnu balɗe makko.safaara leyɗeele baasɗe ɗee tan ko yo janngu ɗemɗe mum en cafroo e humam binndaagal ;mbaɗta janngude e firde e ɗemɗe ɓamtiiɗe yo geno won baɗlo...

 

» Signaler ce commentaire l'administrateur

6eydaare lenol

Ecrit par: mam's (Invit ) le 06-01-2008 16:50

banndiraa6e on calminaama calminaali tedduuDe, "XO Laptop" enne jeeya e ko waawi 6eydannde Demngal pulaar doole, baasen yawwde nafoore majum, tappirde pulaar ko huunde mo saDaani fewneede taade ko "loojisiel" naannete e ordinateeruuji, naannugol ngol kadi eene yaawi, namdaaki ko heewi. 
 
on jaraama

 

» Signaler ce commentaire l'administrateur

poolgu lenol

Ecrit par: Aamadu Sammba Jaak (Invit ) le 06-01-2008 22:51

so Tawii dum laatiima ko poolgu men . miin mbodo joogii heen humpito,sabu e ballonndiral fedde nde wonnaa laamiyankoore wiyeeteende ADEF/afrique e dudal jaabi haadtirde Ottawa, min ngetinooma wadde witooji yeewndel e demde didi:pulaar e wolof kono laatanooki sabu cadeele peengol won e alkule.Njokken e wittude maa poolgu wadh

 

» Signaler ce commentaire l'administrateur

jam ja66a pulaagu

Ecrit par: amadou jaan (Invit ) le 06-01-2008 23:15

banndi raa6e haaloo6e pular kala dongon don enongonir don yojam ekisal wonene mon ibiraahima sarr min beltiima e golle ma hamin mbii yoo alla sellin doole sellin kala darinii do pular duum noo ko gorko mbo woromadiiw ha sahaagoddo

 

» Signaler ce commentaire l'administrateur

Yidde jokkondirde e mon.

Ecrit par: Muhammadu Faadel Bah (Invit ) le 31-12-2008 15:18

Miin den ko mi kurka coftan do hannde oo wittirde ngaandiire (oordinateur) 
haysimi heewaani heen ganndal ne ,mido heen heewi yidde subu hannde oo ko duum buranmi wittirde ,somi dañiino ngaandiire wootere tawannoo ko hakke hakkunde am e leñol ngol maa tummi kono mi alaa ordinateur.

 

» Signaler ce commentaire l'administrateur

Affiche 5 de 5 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
R           6RO      
3 C    T    R     K2B
1CR   WNH   W2N      
  P    9    L T   JSM
  W         2RY      
   
   



mXcomment 1.0.7 © 2007-2017 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥