NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Hay gooto seŋaaki

2048 winnditiiɓe
0 Hannde
0 Ndee yontere
109 Nduu lewru
Cakkitiiɗo: elhadj

Widewooji maantaaɗi..


JAM MIN TEKKI - Clandestin
Moyenne:
Clics:4484
Lamtooro
Moyenne:
Clics:2508
Ganndo Taara
Moyenne:
Clics:2677
ABIWORD in Fulah Part 1
Moyenne:
Clics:2656

Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


GINE KONAAKIRI: Maanditaare jaambareeɓe men… Convertir en PDF Version imprimable Suggérer par mail
Dernière mise à jour : ( 05-01-2008 )
 

Ecrit par Saajo Bah, le 05-01-2008 18:48

Pages vues : 12247    

Publié dans : Les News, Dawrugol


Image
Seppooɓe e Konaakiri
Fecco (2) (Fecco 1 yaltiino ɗo) -  En foduno jokkitagol winndannde  men yowitiinde e jaambareeɓe men waraaɓe nyannde 22 lewru Siilo, 2007,  e nder Gine, saakitaande ɗoo e pulaagu.com. Honno  baɗtino (strike) ngon fuɗɗori, honɗum waɗi e nder mum, sabuuji maggo e baɗtane muuɗum... awa ko ɗon wonɗen jokkitaade hannde, on accay hakkee...

Ƴiiwoonde mawnde nden;

Hiɗen anndi sabuuji haaɗɗi, mettuɗi moɗude, dunyooji yimɓe ɓen e tikkere hino ɗuuɗi ka leyɗe meeɗen Afrik, hino wa’i wa fuu e mehre, kono ko woni Gine koo, kanyum na ɓuri haawnaade. Sugu ɗum ɗoo rimataa jam e deeƴere e leydi, ko yimɓe ɓen ɓooyi munyaade woo. Wonaa mehre yimɓe ɓen hawtii wonti gooto, fetti: yonii yok...Konden Haftaare dillini renndo winndere nden, haa gooto fow aani. Pellet ɗum no yoni ko fillee haa lutta.
Tawi bewre Konte nden yawtii keerol, yimɓe munyike haa munycitike, ko maa tun goɗɗum waɗee, sabuna aduna ko nguurndam e maayde, ‘wuurataa maayataa ko tonngere wuurooɓe’. Jooni yimɓe fellitii dartaade holla winndere nden ko ɓe tampi kon, kuuɗe Konte fow yaltinee waaloo e kene, wonti tikkere mawnde haa ƴiwni...

Baɗtino kuuɓal waɗngo Gine e 2007 ngon ko nyannde 10 Siilo (January) fuɗɗii. Potte (unions) gollooɓe Gine e feddeeji  Salaare immii ɗaɓɓiri Lansana Konte, Hooreejo leydi ndii yo o follo, o iwa e laamu, tawi hiɓe tuuma mo bonnugol yiilo faggudu leydi ndin, e wedditagol e laamu makko ngun, haa hawrii jooni wedditaare nden waawaaka munyeede. Ardiiɓe ɓen fahin tuumi Konte immagol makko, kanko tigiri o accitoya Mammadu Silla e Foodee Suma, yaltina ɓe kaso ka ɓe sokanoo ton, ɓee ɗiɗooɓe kala ko tuumanooɓe fii Coodtaari.
Baɗtino ngon dartinaa nyannde 27 Siilo, e dow nanondiral hakkunde Konte e potte ɗen, no yamira Konte yo o lammin hooreejo jaagorɓe keso. Kono ɓaawo ɗum o suɓii Eugene Kamara, sikkude gaynii hara gaynaali. Nde o lamminnoo mo, ɗon-e-ɗon potte fow ɗen salii ɗum few, ɗum tagi yo baɗtino ngon fuɗɗite nyannde 12 Cole (february), wondude e pellital ngal huulannde wootere: Baɗtino ngon jokkete haa Konte ƴuuwoo jaɓa ɗaɓɓanɗe yimɓe ɓen, waɗa ko ɓe faalaa kon. Laamu ngun yoɓtori defugol e yimɓe ɓen toŋe-yalto (curfew),  e nden nyalaande tigiri.
Yahno haa ɓadtii jonte ɗiɗi gila toŋe-yalto ngon waɗaa, si Konte jaɓi suɓagol hooreejo jaagorɓe mo potte ɗen wonani. Nyannde 26 Cole o suɓii Lansana Kuyaate.Oon ƴetti woondoore nyannde 1 Mbooy (march).

Baɗtinooji kuuɓal ɗiɗi waɗanooma e hitaande 2006, kono ɗi yawtaali ka laamorde Konaakiri. Ko  hitaande 2007 kon kadi, ko Konaakiri fuɗɗori ka aranum (adan). Golloɓe ɓee heddii ka cuuɗi mum jaɓaali golloyde, jeeyguuji uddaa. Laamu ngun tawi yo yoɓtor hulɓinirgol gollanlaamu en, wondema o ittay ɓe e golle. Haɗaali sukaaɓe ɓen yaltiri e boli (streets) ɗin fow, fiikala hari toŋanooma mooɓondirgol. Neeɓaali dille maɓɓe ɗen layi kisan hewtoyi ka asirɗe boksiit too, asooɓe ɓen dartini golle maɓɓe ɗen faabagol. Ko law law dille ɗen baɗtini e laamu ngun. Nyannde 16 Siilo, Konte ewnii fii ustugol coggu esansi, ɓeyda njoɓdi jannginooɓe, kadi o itta coodtaari saakitiindi hakkunde cokkooɓe ɓen (poliisi en), e hoore-ɗum-fow, hooreeɓe potte ɗen salii fewjoore makko nden fes.

Dille Siilo (january), 2007;

Nde saɗtunoo haa haaɗti ket, potte ɗen tawno ko maa noddita baɗtino kuuɓal, fii etagol waawna Konte, o iwa e laamu. Ardiiɓe wi’i wonde Konte, oo laamiiɗo Gine gila nyannde o ƴettirnoo laamu kuu-de-taa, e hitaande 1984, haa hanndeere ndee ko e bewre o woni, o wontii bewɗo e mbaadi yawtundi keerol. Ngaluuji leydi no wujjee, ngenndiyankooɓe no lutta e tampere, nde woo nyannde taƴaale makko no ɓeydoo haa yottike e daande. Ko o nyawɗo mo waawanaa hay fus hoore muuɗum sakko o laamoo leydi, nyannde woo himo joɗɗina ɗowgu kesu ɓurngu jiiɓaade ko walla mo wujjude, leydi ɓurta yakkaade. Coodtaari no sarii baŋ-woo-baŋ... Ukkitagol makko ko sakkitii koo, yaltina bammoneeɓe makko ɓen ɗiɗo, Mammadu Silla e Foodee Suma, yonii seedee, hollii haa ka bewre e coodtaari makko ndin haaɗti ɗon. No muusi!!!. Feddeeji salaare mawɗi ɗin fow wonani baɗtino ngon, ko wano non pelle ɗe wonaa-laamuyankooje (NGOs) ɗee, ɗe fow ɗe nootii faabagol leydi ndin, ɗe walli seppooɓe ɓee walludee, kanyje kadi...Ginenaaɓe joomiraaɓe nunɗal en fow hawtii holli pottal ko doole...

Cokkooɓe ɓen yamiraa kalugol cente cente yimɓe ɗe limtotaako seppooɓe, hiɓe saakitira ɓe gaas nyamaku (citta) e kala ko woni e baawe maɓɓe, hiɓe jogitii haa tedii lit, ɗum fow ko fii wallitagol Konte e bewre mum, ɓe hulaali ɓe hersaali, konole ɗum-e-hoore-mum ɓe ronki yimɓe ɓen fes. Nde 17 Siilo, tawi ko ɓuri ɗiɗo waraama e nder Konaakiri, gooto kadi waraama e nder Labe. So famɗii nyila, pellet ko ɓuri 20 neɗɗo waraama nder nyannde  21 Siilo tun.

Yeeɓitaare (demonstration) ɓurnde mawnude nden, ko nyannde 22 nodditaa, tawti seppooɓe goo wonɓe e nder ca’e mawɗe ɗen fow e nder leydi Gine.  Cappanɗe seppooɓe waraama e nder cake waɗɗe hakkunde koninkooɓe e seppooɓe, nden nyannde, ɓe wariraa wa daabaaji. E nder Konaakiri tun, sentere ɓurnde 35,000 neɗɗo, yaltii no sutii ka Mbatirdu Gine, kono koninkooɓe ɓen kali ɓe ka ƴaɓngal 8 Yarkomaa (8 noɓember), ko ɗon koninkooɓe ɓee felli, wariri yimɓe  wa kulle.

Nyannde 23 Siilo, ardiiɓe potte ɓurɓe lollude ɓen tato, Hajja Raabiyatu Sira Jallo mo  Konfederal Ngenndi Gollooɓe Gine (CNTG),  Dr. Ibraahiima Foofana mo Pottal  Njeygu Gollooɓe Gine (USTG) e Yamadu Tuuree mo Dental Ngenndi fii Wellitaare Potte Gine (ONSLG), ɓee fow hollituno wondema ɓe hulɓiniraama wareede immorde e ɓulli bus, hey Lansana Konte e hoore mum. On tuma mooɓle (troops) yani e gollirɗe maɓɓe ɗee lanciri wa haako nyaayaako. Raabiyatu e Ibraahiima en fow barminaa e mum, kadi nanngaa, ɓe accitoyeede woo, janngo muuɗum.

Nyannde 24 Siilo, Lansana Konte e ardiiɓe potte en, e terɗe Nyaawirde Gine Mawnde nden kam e ardiiɓe diina en yiidi, yeewti. Fillaama wonde Konte jaɓuno  ɗon lammingol hooreejo jaagorɓe keso ngam dartingol baɗtino ngon,  kono ardiiɓe ɓen tutti ka himpaare wonde ko maa ɓe jokka ngo fannii Konte waɗaali ɗaɓɓanɗe maɓɓe ɗen, elle ɗaɓɓannde goo ko follagol makko, fannii ɓe jaɓanaaka ɗum, yo o anndu ko ɓe baɗtinooɓe. Ka sakkitorum Konte newnuno hesɗintingol yuɓɓo dawro leydi ndii faade e yuɓɓo fecco-hooreyaagal (semi-presidential), ko ɗum wonnoo ɗaɓɓannde maɓɓe hakindiinde nden. Ardiiɓe potte en wii wonde haa nih no woodi jiiɓe ɗe jiɓtaaka taho, kono e hoore ɗum fow kanɓe hiɓe tijjii wonde ɓe nantondiray e makko. Konte fahin jaɓi ustugol cogguuji esansi e maaro. Nyannde 27 Siilo, potteyanke en ewnii gasugol  baɗtino ngon ɓaawo nde ɓe nantondiri e Konte waɗugol ko ɓe lamndii kon, kono tawi himo suuɗi goɗɗum les.

31 Siilo, 2007, Konte ewnii baawe ɗe hooreejo jaagorɓe (prime minister) foti heɓugol ɗen: On-tigi wonay ardiiɗo ɗowgu nguu, o duŋanaama fewjugol fii jaagorɓe ɗowgu makko nguu, o yuɓɓinay yiilo (administration) leydi ndii, o newnanaama lomtagol lamɗo oo ka dente winndereyankooje. Kono haa fewndo ɗoo tawi Konte ewnaaki ko hombo tigiri mari wonde hooreejo jaagorɓe. Kori ko mo potte ɗen wonani? Kaa ko taaroo-njilloo ko o anndiraa kon?

Saajo Bah... (www.pulaagu.com)


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : News, Dernières news, GINE KONAAKIRI: Maanditaare jaambareeɓe men…, guinée, émeutes, massacre, anniversaire massacre, lassana konté


Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 2 de 2 commentaires

diaraama

Ecrit par: diabate (Invit ) le 13-01-2008 09:42

thanx brother sadjo, it's diabate from guineenews forum. 
I like your site very much cause even if I can't read or understand pulaar, I feel at home watching the beautiful pictures. 
Allah bless you. 
 
Samuel Diabaté

 

» Signaler ce commentaire l'administrateur

You're much welcom...

Ecrit par: Saajo Bahkaikai (Membre ) le 13-01-2008 15:40

Feel at home bro. Diabate. By the way, if you wish to assist in any other way, you are always welcome, submitting articles can also be done in English or French, we will provide acceptable translations into Pulaar... 
We at the pulaagu.com are always happy to have you... 
Let's keep pushing & forward ever... until the prize is won. 
pulaagu.com

 

» Signaler ce commentaire l'administrateur

Affiche 2 de 2 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
4XP         3        
2      O    J I   XAF
5A8   QEH   HRN      
  F    E      I   48S
21K           I      
   
   



mXcomment 1.0.7 © 2007-2020 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥