NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


Daartol Alkule Pulaar Convertir en PDF Version imprimable Suggérer par mail
Dernière mise à jour : ( 14-08-2007 )
 

Ecrit par IBRAAHIIMA MALAL SAAR, le 02-08-2007 21:55

Pages vues : 15655    

Publié dans : Les News, Langue et linguistique Pulaar


DAARTOL BINNDI PULAAR

Eɓɓo winndude pulaar hecci gawri! Gila dawaa dawi, annduɓe e haralleeɓe ena kuutoro maale ngam toɗɗaade geɗe walla golle keeriiɗe. E ɗemɗe Afrik ɓaŋnge hirnaage, ko binndol Hawsaŋkoore adii eɓɓeede winndeede. Nde wonno alkule keriiɗe ngalaano e oon sahaa, ko alkule Aarabeere kuutortenoo ngam winndude ɗemngal ngal. Ngol binndol ɓurnoo anndireede ko binndol "Ajami". Ajami haa hannde won ɗo huuortee e nokkuuji Afrik. Kono yoga e jaŋnguɓe ɗemɗe mum'en paytii e alkule goɗɗe.

Addi binndol Ajami ko jaŋnguɓe ɗemngal Aarabeere haa ɗiggini, njuurnitii tawi ena cokli winnude e ɗemngal Pulaar. Ooɗoon sahaa ko alkule Araabeere tan mbaawnoo huutoreede ngam winndude ɗemɗe ɗe cuwaano tawo winndeede. Ko adii fof, ɓeen annduɓe ena katojinnoo e winndude ngoƴaaji mum'en paytuɗe e diine wall pinal haa fayi e jaŋde fannuuji goɗɗi ganndal. Ko ɗum waɗi ɓe mbinndi jimɗi e jime diineyaŋkooje ngam huutoraade e ko wayi no Mawluud walla renndooji diine goɗɗi.

Kono, ɓooyaani fuɗɗaa seedeede wonnde wowlude Pulaar haydaani e alkule ɗe ɓe kuutortoo ɗee. Yeru: winndude "ƴoƴe" walla "ŋoŋɗi" waawata faamnaade tan ko tawa faaydetaake e koŋnguɗai goɗɗi. Ko ɓurnoo wonde caɗeele, ko winndooɓe ɓee kala ena luurdi e koye mum'en no mbinndirta Pulaar huwtoraade binndol Aarabeere.

E hitaande 1966 to Bamako, batu mawngu hawrii e gardogol fedde UNESCO (Feede Leyɗeele Dentuɗe daraniinde Jaŋde, gande e pinal). Nguun batu taaɓiima taaɓal mawngal fayde e ngootaagu mbaydi mbinndiin yoga e ɗemɗe Afrik. Ko oon saha alkule biyeteeɗe "latin" cuɓanaa yoga ɗemɗe yoo kuutoro. Ɗeen alkule njogorii maanaa ko waawde-ɗe huutoreede e mbaydi ngootiri yanti heen waawde-ɗe naftoreede e ɗemɗe ɗee kala.

Ko ndeen pulaar fanndini ɗeen alkule biyaaɗe alkule Unesco. Oon sahaa, alkule biyeteeɗe "palatales" ɗee mbinndirtenoo ko: (yeru: ), "" (yeru:), "" (yeru: ). Ɗeen alkule njannti e "" (yeru:), "" (yeru:), "" (yeru:).

,

ALKULE
YERU
"ty"
tyeerno, tyooke
dy
dyeeri, dyuko
ny

nyaanyooru, nyaamde

bh
bhirde, bhataake
dh
dhoyngol, dhooko
jh
jhoogde, jhiijham

Caggal oon sahaa, miijo heso joli yiɗde maande kala (alkulal) fota e wowlannde. Ko ɗum addi alkule ɗee limtu-ɗen dow ɗee kala lomtaa gonti:

ALKULE ƁOOYƊE
YERU
ALKULE LOMTIIƊE
ty
tyeerno, tyooke
ceerno, cooke
dy
dyeeri, dyuko
jeeri, juko
ny

nyaanyooru, nyaamde

ñaanyooru, ñaamde

bh
bhirde, bhataake
virde, vtaake
dh
dhoyngol, dhooko
zoyngoll,zooko
jh
jhoogde, jhiijham
xoogde, xiixam

Kuwle kaawɗe lelenaama e leyɗeele ɗo Pulaar huutortee ngam lelnude doosɗe ceerndugol koŋnguɗi walla mbinndiin. Eɗen mbaawi limtude heen kuwgal laamu Senegaal tg° 71-566 ngal 21 duujal 1971 lelnanoogal e dow nuɓɓudi binndol ɗemɗe ngenndiije. Ngal-ɗoon kuwgal lomtinoo ko ngal 68-871 24 morso 1968. Ɗemngal Pulaar, caggal ɗum, lelnanaa kuwgal 80-1049 ngal 14 yarkomaa 1980. Sakkitii ngaal kuwgal ko Eɓɓo ƴellitgol ɗemngal Pulaar e ɗemngal Mandeŋ (MAPE). Ngoon eɓɓo, wonnoo faandaare mum ko tiitinde e nanndinde doosɗe mbinndiin e ɗee-ɗoon ɗemɗe ɗiɗi mawɗe e nder duunde Afrik., tuugnaade e ngaddinaaji Fulɓe e nokkuuji kala. Eɓɓo MAPE addanii Pulaar/fulfulde e leyɗeele kala ɗo fulɓe ngoni jogaade doosɗe nanondiraade tawaa luural heewaani.

ena jokki...


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : pulaagu, pulaar, pulaaku, tabital, peuls, fulɓe, fulfulde, fulani, fulah, haalpulaar, toucouleurs, langues nationales, alphabétisation, Fouta, Fuladuu, Adamaawa, Macina, Hampathé, Ba, sarr, sow, wodabe, sénégal, mauritanie, mali, guinée, malick pathé sow, thioubalel, murtuɗo, forum, discussion, yeewtirde, pulaar, pulaagu


Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 5 de 5 commentaires

Ellee

Ecrit par: jss (Invit ) le 11-09-2007 18:21

Ellee ko koyzol, so tawii ko en malaave, ko zum zoo woniko yiyletenoo, en kevii, so mawnikinaare alaa fof foti ko artude zo gootel wona gollal gootal, ndool-nen, vuri ko carizn no kuudi Ciilal. Mizo sikki tan jiyzo fof so won ko joomum waawi wazat heen. 
Ceerno I. wallu am mbele so mizo winnda tawa ko e alkule men zee. Yoo Geno wuurnu rentina sembina. 
Jss

 

» Signaler ce commentaire l'administrateur

e min padi

Ecrit par: baru (Invit ) le 29-12-2007 15:08

e min padi jookko daartol alkule pulaar

 

» Signaler ce commentaire l'administrateur

Moonikinde e felisitde on

Ecrit par: ibraahiima aamadu lih (Invit ) le 24-10-2008 17:23

Assalaamu aleykum, jam ñalli e mon banndiraaɓe Fulɓe. Miin mbiyetee-mi ko Ibraahiima Aamadu Lih, ko mi jannginoowo ɗemngal Arab e nder duɗe laamu to Falnde Baambey diiwaan jurbel Senegaal.  
Ko hannde Joomiraaɗo tedduɗo o hoddiri yo mi yiy golle mon paayodinɗe ɗe ngollaton e enternet ɗe.  
 
Mboɗo yiɗi jokkondirde e mon no feewi mbele pulaagu ineɓura ɓamtaade sabu won defte Pulaar keewɗe ɗe mbinndu-mi kono to bannge ɗemngal epulaar e diine lislaam fof ; kono tan mi da ñaani balloowo mi e muulde defte ɗe. 
On njaaraama !

 

» Signaler ce commentaire l'administrateur

ibraahiima aamadu lih

Ecrit par: Ibraahiima Saar (Membre ) le 25-10-2008 18:59

A jaaraama tokara Lih, Pulaagu.com sosiraa ko yoo en njokkondir enen kala, tintondiren, nganndondiren, ngollondiren. Ndeke lowre men ndee woni ko e ɓeydude jiytonral hakkunde hatanteeɓe leñol ngol. En njokkondirii tuggi hannde. Aɗa waawi winndaade e lowre ndee, kadi aɗa waawi huwtoraade imeel am oo: ibrahima.sarr @ pulaagu . com 
Mi salminii-ma aan e wonndiiɓe mah kala.

 

» Signaler ce commentaire l'administrateur

jahrde Ibrahima sar;:

Ecrit par: Abdoulaye Diao (Invit ) le 01-09-2016 21:45

On calminaa ma he dow ɗee moŋ golle ɗe peŋñinan on 
Ngal ɗemngal pulaar fii no jannde ndee yahri yeeso ;:

 

» Signaler ce commentaire l'administrateur

Affiche 5 de 5 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
P6T         RN7      
C R    P      4   OM9
S G   FRN   3SK      
E G    7      A   NHS
5M1         3R4      
   
   



mXcomment 1.0.7 © 2007-2017 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥