Ŋabba e ŋuuraale, Ŋabba ŋuuri ŋataani
Ko toon woni jatti Salli Amar e Kaasu Amar, sahre taani am Mbayyel
Ko Ŋabba niymi aduna e sahaa mo aduna oo wonnoo e “wolde ɓuuɓnde”
Do falo baaba am Usmaan Hammee Hammadi Buubu
Hakkunde tufnde e lobbude e caadngel
Do remaa makka, faataata, tamaate
Do buudi mud-daa e ñebbe Kummbarde, furɓodaa e kosam
Ŋabba, ɗo min cuurkintunoo borgo ngam woddinde girji
Kono ko do taani am Borgo ooyatnoo kam, rokka Siley mawnam
Ŋabba, do min ngawatnoo cide, gicce; koddaadi booleeji,
Ndiiteeji, seleeji wojja laaceeje e cafdi
Ŋabba, ko saakitaaji, doolinngaaji e daarelaaji
Kono Ŋabba ko ngaynaaka puri, kelli, daaki, caaji,
Hakkunde Maalik Demmba Mawndu e tokosuru
Ñaaɗ-ñaanndu, Bifdi-caaɗli, Malalam Sooskin
Kono kadi ko Beelel Kummbaaru do min kiirtatnoo
Boolumbal wullii luukii
e yewtere Pulareeje winndi ko gorko, 28-07-10 13:34
© 2001-2010 PULAAGU.COM - Tous droits réservés -