nndu hoore maa" ko tiitoonde lefol CD kesol ngol naalaŋke men iisaa Dikel Cubbu yaltini. Iisaa jibinaa ko NGanno, diiwaan Maatam to leydi Senegaal. Gila omo yahra e lebbi 13 o fuɗɗii yimde. Ko goonga o tawaani naalaŋkaagal kono gila omo famɗi teskaama ko yimde woni ko e yiɗi. Pulaagu.com yeewtidii e Iisaa Dikel ngam o anndina renndo ngoo lefol makko kesol ngol. Musidɓe tedduɓe, Konngol Iisaa e jeese mon!

Hay mo yiyaani fowru, nanii ena ƴuuña! Kanel Joop alaa mo nanaani daande mum walla innde mum e nder jookli pulpule! Caggal muuku-maaka mawɗo e martaba mo "Fooloo" heɓi e winndere ndee kala, Kanel artii kadi addande en mbelemma, dakamme e duƴƴal ngal o woni gooto duƴƴoowo ngal. Yanti heen daande makko welnde, naatoore ɓerɗe. Musidɓe tedduɓe ko weltaare mawnde Pulaagu.com jogii hannde weeynude oo CD keso jaltuɗo jooni.

alnde Dewo 24 Korse, LE Havre dañii hoɓɓe moolanaaɓe, yontaaɓe Fuuta, tunnganooɓe Pulaar cewɗi, daasanooɓe Pulaagu karlaaɗi. Ɓeen ko eɗam Maabel Gise, ɓeen Ko "Les Frères Guissé" mbiyetee! Ko suudu  fijordu e pine wiyeteendu Tetris nduu yuɓɓini hiirde ndee. Tetris ko galle udditaniiɗo naalaŋkooɓe ummiiɓe e nokkuuji kala, haa teeŋti e Afrik. Ko ngol-ɗoo laawol "Les Frères Guissé" en meeɗi fijde e wuro ngoo. Hade laɓɓe naatnde dingiral, en ceediima diɗɗal ndaananeeɓe Tuwaareg en wiyeteeɓe "Tinariwen".

iirde Fuutaŋkaagal (La Nuit du Fouta) jeyaa ko e dille mawɗe ɗe Fedde Gaynaako Ñeeñal (Begers des Arts) yuɓɓinta hitaande kala. Rogere hikka ndee ko fattamlamiire e njuɓɓudi mum, e ŋanaagal naalŋkooɓe ɓee no potiri. Ko ñalnde Hoore-Biir 12 lewru nduu ɗum waɗi to CAC Gorges Brassens to Mantu, Farayse. Fedde ndee ardii ɗum ko Mammadu Sek, gooto e waali Mantu en daraniiɗo ƴellitde ñeeñal wonande sukaaɓe naalaŋkooɓe wonɓe ɗoo e Farayse. Fedde ndee yiɗi ko ñiiɓde e pine fuutaŋkooje tawa kadi ena udditanii pine goɗɗe e wiyde Mammadu Sek tuma nde yeewtidi e Pulaagu.COM. Ena sawndii Mammadu Sek e ɗee golle, baniraaɗo debbo Mayram Woon, yantude e gooto e sukaaɓe yontaaɓe pulaagu hannde biyeteeɗo Jamila Taal.