aɗii hannde lebbi joy ko wanngorde men Firefox yalti e ɗemngal Pulaar. Haa jooni oon kabaaru gasaani tawo saakaade e winndere ndee, nokkuuji kala ɗi Fulɓe ngoni. Kono kadi kabaaru oo yaltii e jaayndeeji Afrik kala nde wonnoo lowre men hurniima kumpital baɗngal faayiida ngam anndinde winndere ndee wonde Pulaar woni ko golle, Pulaar woni ko e ɓosde, woni ko e ɓamtaade. Eɓɓo ngoo joofii kono wortaaka, wontii eɓɓoore renndo ngoo no diidorinoo. Hannde, eɗen ngarta e renndo ngoo ngam hollitde no gooto kala waawi addirde ballal mum e golle ɗee.

usidɓe tedduɓe en ngartii hannde addande huutorɓe Firefox e yiɗɓe janngude no huutortee fof doggol ayaaje widewoo tawa ena tinndina fannuuji Firefox ɓurɗi maantinde. Ɗee tinndinooje baɗaaɗe e ɗemngal Pulaar ko duttorɗe ɗe ngalaa nanndo wonande kala jiɗɗo janngude, jiɗɗo faamde e huutoraade Firefox no ɓuri weeɓirde. Ɗoo e jaltugol yamre sakket Firefox, eɗen ɗaminii yaltinde leppi goɗɗi ɓurɗi seeɓde loowdi haa mo woni kala waawa waɗtude huutoraade Firefox kuutorgol ganndal e faamamuuya.

oomu Pulaagu ena jogii weltaare mawnde habrude renndo Fulɓe no diidorinoo wonde Mozilla yaltinii wanngorde mum wiyeteende Firefox e ɗemngal Pulaar! Ko ñalnde 5 lewru Korse nduu Mozilla habri-min jaltugol Firefox betaa (yamre ƴeewndo) e ɗemngal men. Mozilla hollirii weytaare mum e njettoor mum fayde e Goomu Pulaar-Fulfulde gollodiiɓe e maɓɓe e ndee eɓɓoore moolanaande. Yoo Fulɓe nganndu ko teddungal e heftineede ɗemngal mum'en soomii e gollotiral hakkunde Mozilla e ɗemngal men. Firefox woni hannde wanngorde ɓurnde huutoreede e geese!

usidɓe tedduɓe so oɗon keddoraa conndi seeɗa, payee gaɗa maayo sabu hannde en pellat! En pellat sabu golle tiiɗɗe ɗe keɓ-ɗen siynande renndo Fulɓe so yaltine jaaɓnirgal juɓɓinirgal binndi e ordinateer walla ngaadiŋke(programme de traitement de texte). Gila golle men puɗɗii e hitaande 2010, ɗo heewi rewaama, ɗo sukki, ɗo niɓɓiɗi, ɗo heyɗetee, ɗomɗetee, tampetee fof rewaama ngam yettaade ɗo wonaa hannde ɗoo. Baawɗe Alla, ganndal e yarlitaare ndewi heen ngaddii en haa e bayyinol gadanol hono ko wayi nih tawa ko e Pulaar ɓolɓolto, jillaani. Hol ko woni Abiword? Hol ko Abiword jogori waylude e ngonka jaŋɗeele Pulaar e ɓamtaare ɗemngal men? Banndiraaɓe udditee noppi.